Zrugg ins ZwanzigDreiezwanzig
21. Dezämber 2023 - Dr nöi Stärnchoch vo Aeschbigott
3. Augschte 2023 - e bööse Daag
Brazil, Italia, geschter d Schwoobe
häi dr Mölli alli nümm wyt oobe.
Au Basel duss, iich chaas nid fasse,
und Däärwyyl leert den Aescher s Jasse!
.wö
20. Horing 2023 - Gingge
Iich due vor em Färnsee s Bierli dringge,
rotblau isch d Chappe und au d Fingge,
Es sett dr eFCeBe hüt zOobe gingge,
nur gseesch die Bueben alli hingge.
Dr Frei duet fuchtle, nümme wingge,
duets ächt deene sälber stingge?
S isch nid zum luege, wie sii gingge
hüt gits nomol äins uf d Schingge!
Iich dängg bim achte Bierli dringge,
iich chönnt go für dr Dääge gingge
D Chnöi sy wie nöi, vor allem s Lingge,
nur mit em Rächte duen iich hingge.
Won iich wett im Campus leere gingge
duet dr Alex Frei grad Aadie wingge!
Wasser isch ...
Är luegt drii wie ne gschlaagne Hund,
är mues jetz goo, en Andre chunnt.
Dr Vogel sells zum Rächte biege
hejoo dä cha vo sälber fliege!
.wö
20. Horing 2023 - Viva Banana
`s duet d Blattere in dr Chuchi toobe
s Gschirr fliegt s Fenschter us in hochem Booge
will dr Gwäggi nid no Lieschtel chaa
luegt käine döört zue iirem Maa!
Dr Blatter Rolf, so stoots im Zyttigsbricht,
häig z Lieschtel s mäischten Üübergwicht!
Für in Landroot bruchts vo allem s Beschte
nöii Hoose, Hemmli und e wyssy Weschte,
e Gravatte, wo me nid mues sälber binde.
Mäinsch s basst deere z Laufe hinde?
Weer dr Agostini ächtsch am Änd au froo
r chönnt sich z Lieschtel äntligg zäige loo!
Mues Intelligänz hüt wirggliig künstlig syy?
do han iich nid grad s beschte Gfüül derby.
Doch wenn sii z Lieschtel sich bim zelle zwänge,
wäisch: Dr normaal Verstand duet nümmi länge!
Iich froog mi gits bim Kanton Basel Landschaft
denn wirgglich käin wo mit Verstand schafft?
.wö
19. Horing 2023 - 50 Joor Birspfupfer
In dr Chluus bin iich dehäi, döört, wo miir Eusi Rääbe häi.
Lueg zo de Rääbe, lueg zum Wyy,
und bi bim Feschte gäärn drbyy.
Do letschti, iich bi no am penne,
chunnt äini zue mir uufe z renne:
D B-B-irspupfer, so duät si staggle
dien syt fufzig Joor dur d Stroose gwaggle
Fufzig Joor z Aesch uf dr Stroos,
sin dir drbyy sisch öbbis loos.
Uf em Warteggplatz vor villne Joor,
fliege schreegi Dön ums Ooor.
D Pfupfer föön chuum afo schränze
dien wytt umme d Auge glänze
Denn startet glyy dr Oobesträich
das isch no Fasnacht, ooni Säich.
Dr Schnupf duet sini Värsli bringe
und d Grööli umme Brunne springe.
Spööter rolle d Bagger aane -
e nöie Platz bruchts nundefaane.
Uff d Birspfupfer chasch verdraue,
sin dien bim Iichaufsplatz e Büüni baue.
Do ghört me d Aescher Gugge schränze
alles danzt, und d Auge glänze.
S dien d Rumpelsuuri s Bleistift spitze
si singe Värsli wo dien sitze
Ab und zue sträiggt s Mikrofon
das ghört scho fascht zur Tradition
Ob schneyt oder dr Querwääg säicht
dr schreegi Doon wird immer bräicht
Am Fasanchtsmeentig, sisch famoos
isch z Aesch bigott no öbbis loos
D Bänggler dien dur d Beize zieh
und au d Bäizer gänn sich mieh.
Hüt isch das alles Noschtalgyy
eso wie friener wirds nüm syy.
Fertig jetz, mit Driebsaal bloose
bald isch Fasnacht uf de Stroosse.
Ghörsch d Birspupfer wiider schränze
und d Auge dien wytt umme glänze.
S isch nooni do es hed nid glänggt
es feelt mi Jubiläums Gschängg:
Vum Kaiser gitts ä Jubel Faane
die hängt me denn an d Hauptstroos aane
Für hütte haan iich, es duät si Schigge
nur öbbis chleys für Euch zum Bigge!
Jetz isch Zyt, ich setti goo
s brennt käi Liecht bim heimzue goo
Aesch bigott hed zweeni Pfuus
s hed käini Pfunzle in dr Chluus.
Nämmed d Gleeser, schängged yy:
Am beschte schmöggt dr Chluuserwyy.
Vo wyttem gschörsch e Gugge schränze
d Auge dien scho alli glänze!
12. Horing 2023
9. Horing 2023 - in zää Daag isch Fasnacht z'Aesch bigott
Zoff im Baradyys
s Theater, wo sii im Baradyys dien zoffe,
macht dr Waasem Niggi ganz bedroffe.
Chaa me bi däm no uff Yysee hoffe?
Radar
Nid allne z Aesch wotts daas in Grind:
Sii faare gschnäll und mängmoll z gschwind,
und d’Radarbuess zaalsch nöi mit Twint.
7. Horing 2023 - Mir häi KI gfrogt ...
... was är (oder sie) über öises Doorff wäiss. Do lachsch Dir e Schranz! Vome selber fallt das niemerem yy, nid emoll im Vollsuff. Do bruchts scho künschtligi Intelligänz. Öisi Frooge und was KI derzue weiss chasch do (im Original) nooche lääse. - Dr Schnupf git sy Sämpf derzue.
Bäize duet s jo nümm vill gää,
drum mien miir dr Räschte üübernää,
Fondue mit Meeresfrücht serviere,
d Mariann isch scho am Dekoriere.Schnupf
5. Horing 2023
Schwalbe
Bi dr Baadi, das nöi Hotel für d Schwalbe,
lööst für d Vögel d Probleem chuum die halbe:
z Aesch feelt dr Blatz für d Trottoirschwalbe!
Logisch
S häig zweeni Stroom , so waarne sii
Bi de Christbäum spaare sii
doch mit de E-Chläpf faare sii!
13. Jänner 2023 - BLäGG FRäidey seel
7. Jänner 2023 - Blaggedde Usgoob: Dr Räbgäischt
In dr Chluus bin iich dehäi döört,
wo miir Eusi Rääbe häi.
Lueg zo de Rääbe, lueg zum Wyy
und bi bim Feschte gäärn drbyy.
Was in Eusem Doorff eso duet goo
duen iich fascht alles mitbechoo.
Mach s Liecht ab! Hed mir äine gschriibe,
das isch mir grad no hange bliibe.
Es feel im Gmäinroot d Energyy,
drum miesi jetz daas Spaare syy.
Schyynts, iich ghöörs do oobe munggle,
sitze die nid nur im Schloss im Dunggle!
S wäi d Gmäinirööt z Nacht wytter penne
drum döörffe d Stroosselampe nümmi brenne.
Dangg deere glatte Glanzidee
chasch uff em Häimwääg nüt me gsee.
Wenns rumplet, dätscht und holperet
isch äin vom Gmäinroot gschtolperet!
Finschteri Nacht e Winter lang,
villnen Aescher wird’s drab bang.
Au wenns d Zyttig nid duet schryybe
au üüber d Fasnacht sells so blyybe:
Ab de halber äins isch dunggli Rue,
und die allerletschti Bäiz macht zue!
Döörffsch an dr Fasnacht nümm luut lache
oder suscht e Blödsinn mache!
Wott men Eus zNacht d Fasnacht nää
sells zLäid grad öbbis bsunders gää:
Am Fasnachtssunndig in dr Nacht
wird daas Joor zümftig Fasnacht gmacht.
Men isch in deere Nacht derbyy,
s dien alli zämme, Grooss und Chlyy,
mit Ladäärne, Faggle, Pfunzle, Lampe,
im Gmäiniroot uff d Zeeche drampe.
Ab goots am halber äins bim Schloss
Mäinsch chunnt no äini uff em Ross?
Vilicht, do druff dien alli hoffe,
syy noochäär au no d Bäizen offe.
Jetz ab go baschtle, d Finger uuse!
Chönned spööter wiider pfuuse!
S häi alli zämme no gnue z due
suscht weer jo an dr Fasnacht Rue!
So nämmed d Gleeser, schängged yy:
Am beschte schmöggt dr Chluuserwyy.
Iich lüpf my Chelch, stooss mit Euch aa:
Miir wäi e glatti Fasnacht haa!
Intelligänzblatt für Aesch bigott
29.01.2024
s Nöischt vo Aesch bigott
3. Augschte 2023 - e bööse Daag
Brazil, Italia, geschter d Schwoobe
häi dr Mölli alli nümm wyt oobe.
Au Basel duss, iich chaas nid fasse,
und Däärwyyl leert den Aescher s Jasse!
.wö
20. Horing 2023 - Gingge
Iich due vor em Färnsee s Bierli dringge,
rotblau isch d Chappe und au d Fingge,
Es sett dr eFCeBe hüt zOobe gingge,
nur gseesch die Bueben alli hingge.
Dr Frei duet fuchtle, nümme wingge,
duets ächt deene sälber stingge?
S isch nid zum luege, wie sii gingge
hüt gits nomol äins uf d Schingge!
Iich dängg bim achte Bierli dringge,
iich chönnt go für dr Dääge gingge
D Chnöi sy wie nöi, vor allem s Lingge,
nur mit em Rächte duen iich hingge.
Won iich wett im Campus leere gingge
duet dr Alex Frei grad Aadie wingge!
Wasser isch ...
Är luegt drii wie ne gschlaagne Hund,
är mues jetz goo, en Andre chunnt.
Dr Vogel sells zum Rächte biege
hejoo dä cha vo sälber fliege!
.wö
20. Horing 2023 - Viva Banana
`s duet d Blattere in dr Chuchi toobe
s Gschirr fliegt s Fenschter us in hochem Booge
will dr Gwäggi nid no Lieschtel chaa
luegt käine döört zue iirem Maa!
Dr Blatter Rolf, so stoots im Zyttigsbricht,
häig z Lieschtel s mäischten Üübergwicht!
Für in Landroot bruchts vo allem s Beschte
nöii Hoose, Hemmli und e wyssy Weschte,
e Gravatte, wo me nid mues sälber binde.
Mäinsch s basst deere z Laufe hinde?
Weer dr Agostini ächtsch am Änd au froo
r chönnt sich z Lieschtel äntligg zäige loo!
Mues Intelligänz hüt wirggliig künstlig syy?
do han iich nid grad s beschte Gfüül derby.
Doch wenn sii z Lieschtel sich bim zelle zwänge,
wäisch: Dr normaal Verstand duet nümmi länge!
Iich froog mi gits bim Kanton Basel Landschaft
denn wirgglich käin wo mit Verstand schafft?
.wö
19. Horing 2023 - 50 Joor Birspfupfer
In dr Chluus bin iich dehäi, döört, wo miir Eusi Rääbe häi.
Lueg zo de Rääbe, lueg zum Wyy,
und bi bim Feschte gäärn drbyy.
Do letschti, iich bi no am penne,
chunnt äini zue mir uufe z renne:
D B-B-irspupfer, so duät si staggle
dien syt fufzig Joor dur d Stroose gwaggle
Fufzig Joor z Aesch uf dr Stroos,
sin dir drbyy sisch öbbis loos.
Uf em Warteggplatz vor villne Joor,
fliege schreegi Dön ums Ooor.
D Pfupfer föön chuum afo schränze
dien wytt umme d Auge glänze
Denn startet glyy dr Oobesträich
das isch no Fasnacht, ooni Säich.
Dr Schnupf duet sini Värsli bringe
und d Grööli umme Brunne springe.
Spööter rolle d Bagger aane -
e nöie Platz bruchts nundefaane.
Uff d Birspfupfer chasch verdraue,
sin dien bim Iichaufsplatz e Büüni baue.
Do ghört me d Aescher Gugge schränze
alles danzt, und d Auge glänze.
S dien d Rumpelsuuri s Bleistift spitze
si singe Värsli wo dien sitze
Ab und zue sträiggt s Mikrofon
das ghört scho fascht zur Tradition
Ob schneyt oder dr Querwääg säicht
dr schreegi Doon wird immer bräicht
Am Fasanchtsmeentig, sisch famoos
isch z Aesch bigott no öbbis loos
D Bänggler dien dur d Beize zieh
und au d Bäizer gänn sich mieh.
Hüt isch das alles Noschtalgyy
eso wie friener wirds nüm syy.
Fertig jetz, mit Driebsaal bloose
bald isch Fasnacht uf de Stroosse.
Ghörsch d Birspupfer wiider schränze
und d Auge dien wytt umme glänze.
S isch nooni do es hed nid glänggt
es feelt mi Jubiläums Gschängg:
Vum Kaiser gitts ä Jubel Faane
die hängt me denn an d Hauptstroos aane
Für hütte haan iich, es duät si Schigge
nur öbbis chleys für Euch zum Bigge!
Jetz isch Zyt, ich setti goo
s brennt käi Liecht bim heimzue goo
Aesch bigott hed zweeni Pfuus
s hed käini Pfunzle in dr Chluus.
Nämmed d Gleeser, schängged yy:
Am beschte schmöggt dr Chluuserwyy.
Vo wyttem gschörsch e Gugge schränze
d Auge dien scho alli glänze!
12. Horing 2023
9. Horing 2023 - in zää Daag isch Fasnacht z'Aesch bigott
Zoff im Baradyys
s Theater, wo sii im Baradyys dien zoffe,
macht dr Waasem Niggi ganz bedroffe.
Chaa me bi däm no uff Yysee hoffe?
Radar
Nid allne z Aesch wotts daas in Grind:
Sii faare gschnäll und mängmoll z gschwind,
und d’Radarbuess zaalsch nöi mit Twint.
7. Horing 2023 - Mir häi KI gfrogt ...
... was är (oder sie) über öises Doorff wäiss. Do lachsch Dir e Schranz! Vome selber fallt das niemerem yy, nid emoll im Vollsuff. Do bruchts scho künschtligi Intelligänz. Öisi Frooge und was KI derzue weiss chasch do (im Original) nooche lääse. - Dr Schnupf git sy Sämpf derzue.
Bäize duet s jo nümm vill gää,
drum mien miir dr Räschte üübernää,
Fondue mit Meeresfrücht serviere,
d Mariann isch scho am Dekoriere.Schnupf
5. Horing 2023
Schwalbe
Bi dr Baadi, das nöi Hotel für d Schwalbe,
lööst für d Vögel d Probleem chuum die halbe:
z Aesch feelt dr Blatz für d Trottoirschwalbe!
Logisch
S häig zweeni Stroom , so waarne sii
Bi de Christbäum spaare sii
doch mit de E-Chläpf faare sii!
13. Jänner 2023 - BLäGG FRäidey seel
7. Jänner 2023 - Blaggedde Usgoob: Dr Räbgäischt
In dr Chluus bin iich dehäi döört,
wo miir Eusi Rääbe häi.
Lueg zo de Rääbe, lueg zum Wyy
und bi bim Feschte gäärn drbyy.
Was in Eusem Doorff eso duet goo
duen iich fascht alles mitbechoo.
Mach s Liecht ab! Hed mir äine gschriibe,
das isch mir grad no hange bliibe.
Es feel im Gmäinroot d Energyy,
drum miesi jetz daas Spaare syy.
Schyynts, iich ghöörs do oobe munggle,
sitze die nid nur im Schloss im Dunggle!
S wäi d Gmäinirööt z Nacht wytter penne
drum döörffe d Stroosselampe nümmi brenne.
Dangg deere glatte Glanzidee
chasch uff em Häimwääg nüt me gsee.
Wenns rumplet, dätscht und holperet
isch äin vom Gmäinroot gschtolperet!
Finschteri Nacht e Winter lang,
villnen Aescher wird’s drab bang.
Au wenns d Zyttig nid duet schryybe
au üüber d Fasnacht sells so blyybe:
Ab de halber äins isch dunggli Rue,
und die allerletschti Bäiz macht zue!
Döörffsch an dr Fasnacht nümm luut lache
oder suscht e Blödsinn mache!
Wott men Eus zNacht d Fasnacht nää
sells zLäid grad öbbis bsunders gää:
Am Fasnachtssunndig in dr Nacht
wird daas Joor zümftig Fasnacht gmacht.
Men isch in deere Nacht derbyy,
s dien alli zämme, Grooss und Chlyy,
mit Ladäärne, Faggle, Pfunzle, Lampe,
im Gmäiniroot uff d Zeeche drampe.
Ab goots am halber äins bim Schloss
Mäinsch chunnt no äini uff em Ross?
Vilicht, do druff dien alli hoffe,
syy noochäär au no d Bäizen offe.
Jetz ab go baschtle, d Finger uuse!
Chönned spööter wiider pfuuse!
S häi alli zämme no gnue z due
suscht weer jo an dr Fasnacht Rue!
So nämmed d Gleeser, schängged yy:
Am beschte schmöggt dr Chluuserwyy.
Iich lüpf my Chelch, stooss mit Euch aa:
Miir wäi e glatti Fasnacht haa!